Wednesday, October 28, 2009
صباح الندالة
Saturday, October 24, 2009
خصوصي أفندي خصوصي
ترن .. ترن
رقم غريب على هاتفنا
رديت: ألو
ألو مساء الخير يا هانم
( يا فتاح يا عليم ع المسا .. واحد بيهزر )
مساء النور
منزل فلان الفلاني
أيوة
احنا مطعم ... يا هانم
( لا بجد الراجل ده بيهزر .. يكون خالو؟؟ اه بس خالو مسافر .. يمكن عمو مجدي .. حشوف كده )
أيوة
حضرتك كسبتي معانا طبق سلطة مجانا مع كل وجبة دليفري
( قول بقى انت مين بدل ما أقفشك )
تمام
والعرض لمدة أسبوع يا هانم
( شكلة بيتكلم بجد .. يا حلاوة .. كان نفسي من يوم ماتولدت حد يقولي يا هانم )
شكرا
شكرا يا هانم
( فرحت أوي انه ربنا حققلي أمنيتي .. يحيا المطعم )
دولسي جت يا بنات
أمنية لكل مواطن
حقول أمنيتي الخاصة ودعوتي لكل واحدة في العالم دول:
ورداية : ربنا يريح قلبك نفسي اشوفك مرتاحة أوييييييي
بوتا : يارب ترجعي مصر بقى .. وحشتيني
هورس : يارب تتجوزي واحد عنده عربية و طولة بال :))
ميرا : ربنا يسعدك واشوفك ماما
سمارت : ربنا ينورلك طريقك
دولسي : ربنا يسعد أيامك
نروش : يارب يديني طولة العمر واشوفك عاقلة وراسية كده
الباقيين بقى لما ييجوا :*))
وطبعا انا ربنا يخليني ليكو
.........
على فكرة
اسم بيبو ده عزيز عليا أوي عشان ببايا كان بيناديني بيه
وفيلم في شقة مصر الجديدة : شخصية غادة عادل كانت شبهي أوي أوي من سنتين كده وبيتهيألي لدلوقتي بس النسبة قلت حبة غير إن فكرة الفيلم نفسها أنا مؤمنة بيها جدا
أتمنى أكون قدرت أجاوب على استفسارات شعبي الحبيب
شكرا شكرا
لا داعي للتصفيق
جيلي سعيد
بونسوار عليكم
النهاردة يشهد هذا اليوم بما ان الفيس بوك كان متقاطع وانا مش مدمنة دلوقتي غيره فكنت زهقانة... وسجل يا زمن دخلت المطبخ
كان نفسي في حاجة غريبة بصيت لقيت في جيلي .. قولت اتفرعن واعمله وخادتني الهمة فعلا نزلت الكاسات وحطيت البسكوت والفاكهة ووعملت الجيلي على امل اني اكله.. والله العظيم فاكرة ان كله كان مظبوط
ما علينا
البيت كله عرف اني عملت جيلي وانا عازماهم على عمايل ايديا على اساس يعني ان لما يجيلي مزاج بدخل اعمل حاجات دا مش كسل بس مزاج.. المهم حطيته الساعة 11 الصبح جيت على الضهر لقيته عايم.. قولت معلش استنى شوية يمكن التلاجة ضعيفة ولا حاجة
دلوقتي وفي هذا الوقت .. الساعة 9 بالليل فتحت تاني التلاجة وعندي امل انه ما يكسفنيش ويبيض وشي.. نسيت اقولكم قبل ما افتح التلاجة في التوقيت اللي هو الساعة 9 دا سألت بابا وماما .. ها يا حبايبي اجيبلكم الجيلي
الغلابة قالولي ماشي وهما منشكحين... فتحت التلاجة لقيت حالته زي ما كانت الساعة 11 الصبح...
انا بكره المطبخ دايما يسود وشي كدا ويحبطني
تفتكروا بقى السبب ايه.. والله العظيم مشيت على وصفة العلبة
دلوقتي انا اللي لبسته وعمالة اشرب فيه من الصبح لحد ما معدتي بقت عايمة في عصير جيلي
:@ :@ :@ :@
MeMo is HERE
Friday, October 23, 2009
هورس هنا يا بنات
انا هبه عندى 28 سنه او نقول 29 اوقع :)
اكبركوا سننا واكثركوا جنونا
واعز جدا اللى يقولي يا بيبو ههههههههه ماشي يا ايمان يا بيبووووو
او هورس باحب اوووووووووي الاسم دا
باحبكوا كلوكوا جدا
واتمنى اننا نكون مع بعض طول العمر اجدع صحاب
واسعد لمه
بوووووووووسه كبيره وحضن اكبر لكل واحده فيكو
وشكر خاص لبيبو على الفكره والتنفيذ
تيست..1 2 3..هنا الجيزه..سامعين؟
محدش يقولى يعنى ايه:D
علشان ده بوست لوحده
هههههههههههههه
مش عارفه ليه بصراحه بعرفكو بنفسي..اذا كان انتوا عارفين
مش انتو عارفين؟
ما علينا يمكن تبقى ناسين ولا حاجه
انا الاء..22 سنه
وعزباء..
وانا حاليا واقفه شويه
مش مع حد غريب..
مع نفسي
بنتحاسب..واللى هيطلع مديون هيدفع
:D
Thursday, October 22, 2009
اشتات اشتوووووت
Wednesday, October 21, 2009
السلام عليكم
اذيكونا
عملين ايه
كويسين
طب الحمد لله
انا مروه الحلواني
خريجة اداب اجتماع
وبحب العيال اصحابي دول اوي