فاضل 8 ايام على عيد ميلادي
مش حاساه ابدا عيد... قلبي مجروح وموجوعة اوي
عارفين لما الواحد يعمل حاجات كتير كويسة ويلاقي قصادها اسوأ حاجة ممكن كان يتخيلها
ازاي ده يبقى المقابل؟؟؟؟؟
انا مؤمنة بإن كل شيء نصيب وقدر... وان الخير في اللي ربنا يحكم بيه
لكن لدلوقتي مش قادرة استوعب اللي فيه
لما تكوني راسمة حياة خلاص.. وبتتكلمي على مكان فرحك وشكله وهتعملي ازاي بيتك
وفي الآخر يبقى كله هواااا
جايز ناس هتقوللي الموضوع بيحصل كتير واني مش اول واحدة
صح
بس بالنسبالي الموضوع مختلف..و اول ضربة اصعب واقوى ضربة
وللأسف معنديش القوى الكافية اني انفض ده كله واقوم تاني وانسى
زي النهاردة كده السنة اللي فاتت .. كان بدأ كلام عن ارتباط
واكتر حاجة كانت مفرحاني .. ان الموضوع مكنش في بالي ابدا انه يحصل التوقيت ده لاني كنت لسة مخفتش من الحادثة
غير ان طريقة المعرفة كانت جميلة كأنها فيلم
وعلى فكر النهاية كمان كانت تشبه الفيلم
وامبارح عدى الفلانتاين من غير كل سنة وانا طيبة وكل سنة وهو معايا
سنة ضاعت كانت مجرد وهم
راسي تعبت من التفكير والهم
مش قادرة اشوف حد ولا اتعامل مع حد
مش طايقة سيرة عرسان او رجالة اصلا
بضحك وبهزر وببان جامدة لكن جوايا ربنا العالم
ومش عارفة بكتب الكلام ده ليه... يمكن عايزة افضفض
مش عشان اصعب على حد... بس عشان تدعولي من قلوبك بان ربنا يهونها عليا لاني بجد محتاجة الدعوة دي اوي
وانتوا اقرب ناس ليا ... وجايز عشان لما يعدي الوقت
اشوف الكلام ده وافتكر واضحك
مين عارف
هبه
هبهووووووووووووووووووووب الجميله
ReplyDeleteمش افضل اقولك ان دا الخير وربنا هايعوضك وكلام من دا
اولا لان دا واقع
وثانيا انا عارفه كويس انك عارفها وواثق في ربنا
انا هاقولك حاجه غريبه
زى ما انتى عايزه تحسي اعملى
عايزه تعيطر عيطى اصرخى مش عايزه تعرفى ولا تكلم حد ماتجيش على نفسك
اعمل اى كل اللى في نقسك
واناكدي انها فتره وهاتعدى وترجعى اقوى واحلى من الاول
واحنا معاكى بقلوبنا وبدعوتنا وبفلوسنا لو عايزه
من جنيه لجنيه وربع :D
خليكى اقرب لربنا ومن الناس اللى انتى بتحبيهم ويحبوكى وبلاش تنسى ان الالم بيقوى ومش بيضعف
كل ما نتالم اكتر ابشررررررررررى ربنا شيلنا احسن واحسن
ana horse 3la fkra :D
ReplyDelete(K)
This comment has been removed by the author.
ReplyDeleteوردايا
ReplyDeleteهبه
انا بجد مش عارفه اقولك ايه
قريت وانا بجري بين الحروف
مش قادرة استوعب اكتر من اللي انا عرفاه وقرياه وعيشاه
النهارده كان من اغرب ايام حياتي
من المفترض انه يكون يوم حلو..(كنا متجمعين كمصورين وعاملين يوم جامد اوي لأطفال قرية من القرى..دي جي وارجوز وحركات)
..واحده كلمتني..
كانت من ضمن البنات اللي صورتلها فرحها
وتعتبر من احلى الصور اللي صورتها..
لاقيتها بتكلمني وصوتها فيه رجفة غريبه شويه..قالتلي انها جايه النهارده قولتلها ماشي مستنياكي بس غريبه جوزك سمحلك كده؟؟(بيغير عليها اوي)
لاقيتها بتقولي..
اصل..اااا...مممم...قولتلها شكلك مش عارفه تتكلمي..
طب لما تيجي
جت
بقولها ايه يابنتي مالك خير؟
لاقيتها بتوريني ايدها
ماستوعبتش
ببص لايدها
وبصيت لوشها تاني
عادي ماهي قبل كده خرجت معاها وكانت ناسيه تلبس الدبله..كنت هاسألها..نسيتي تلبسيها تاني؟
مالحقتش انطق
قالتلي..اتطلقت
مش قادره اوصفلك احساسي ياهبه
انا حسيت اكن الدنيا لفت بيا
ده انا لسه كنت مصوره فرحهم
بأدق أدق تفاصيله
فستانها..طارحتها
جزمتها..
شبكتها..
لبستها حلقها بأيدي
هديتها لما شوية تفاصيل ماطلعتش زي ماهي عوزاها
مع اني ماعرفهاش!!
فـــرحـــــــــهم!!!!!!!!!!
كل اللي نزل عليا
ايه اللي حصل؟؟
ايه اللي حصل؟؟
قالتلي..الكلام ده لسه كان يكون الخميس!
وراحت معيطه
سبحان من صبرني ساعتها وماعيطتش
انا لغاية دلوقتي مش مستوعبه
ان الموضوع بجد
اكيد انا ف كابوس
هبه..
عارفه
انا فاهمه يعني ايه عشم..بكل ماتحمله الكلمه من معنى
ازاي البنت بتتعشم ف حد..ف موضوع..ف حياة!!!
حـــــــياة!!!!!!
انا اصلا عندي مشكله الفتره دي مأثرة على حياتي اصلا
على حاجات كتير
بس لما بتقولي
اتطلقت
بعد 6 شهور جواز
6 شهور
جواااااااااز ياعالم
وفجأه بقت مطلقه
ااااااه
ياقلبي
انا هاموت
عارفه السبب في طلاقها ايه ياهبه(على حد قولها)
انه فجأه بقى يتخانق ويزعل كتير
ومابيعديش حرف
مابيعديش حاجه الا لما يقلبها خناقه
وخناقه مابتخلصش
مالهاش اخر
ولو حاولت هي تعملها آخر
بيقول عليها مجنونه
ازاي يعني تخرج نفسها من مود الخناقه وتحاول تهدي الموقف وتعدي الحياة عادي كده؟
لا
ماينفعش
(بصي انا اصلا مش مقتنعه ان دي الاسباب الرئيسية..الطلاق عشان يحصل واستحالة الحياة الكلام ده مش سبب كافي ليها) بس لو سلمنا ان زي ماهي مابتحكي
مش عارفه اقوول ايه
ياهبه
انتي فهماني؟
فاهماني عاوزة اوصل لأيه
انا عارفه
انتي زعلانه على نفسك
حياتك
جزء منك
ضاع..
بصي
ماتحسبيهوش كده
ماضاعش
بس اتغير تكوينة
بتكوين تاني يمكن انتي لسه مش شيفاه
بس هاتشوفيه
والله اعلم امتى
والحال هايكون عامل ازاي
انا منفعله جدا دلوقتي
عايشه حالة غريبه من انعدام التوازن في حياتي
مش عارفه
اتعامل ازاي
اتصرف ازاي
افكر بأنهو طريقة
الواحد المفروض يتمسك بالعشم..(على امل اصلاحه)..ولا يسيبه..عشان مايقعش ف حاجه زي الطلاق!!
بعد شهور قليلة
وفجأه يلاقي نفسه وحيد لا سند ولا اي حاجه
وحتى مش عارف يقول للناس ايه
لما حد يسألها
ايه سبب طلاقك بعد 6 شهور جواز..
وبعد الفرح اللي اقل مايقال عليه انه مثالي..قريب للافراح الاسطوريه(من وجهة نظر ناس)
تفتكري لو قالت الحقيقه(اللي زي ماهي حكيتهالي)حد هايصدقها؟؟
تفتكري يكون ليها نصيب مع حد تاني؟
انا مش عارفه
انا تعبت
هبه ..ارجوكي
حاولي تكوني اقوى
تفكري ف نقطه معينه
ان ربنا كده ممكن يكون بيحميكي من اذى اكبر
عشمك في التفاصيل دي وتحقيقها
احسن ما كانت تتحقق
وفجأه تلاقي نفسك (بعد الشر)
حياتك دي كلها انهارت واتدمرت بشكل مفاجئ
وبدون سبب واقعي حقيقي تقدري تمسكيه بين ايديكي
هبه..مابقولش ان الموضوع سهل
بس (مامنعك الا ليعطيك)
زي ماربنا ممكن يعطل واحد 3 دقايق انه يركب ميني باص معين..
ويتأخر عن معاده ويركب اللي بعده
ويقعد مقهور يهري وينكت في نفسه
وفي الاخر فجأه يلاقي الميني باص ده اتقلب قدام عينيه
مين احسن
احتمال احساس التأخر وانه كان المفروض يعمل ويسوي
ولا احساس الموت؟؟؟
حبيبتي..
ربنا يعينك
حطي ف اعتبارك
ان ده كرم من ربنا
اكتر من كونه ابتلاء
ربنا بيحبك
وهايظهرلك حبه ده في الوقت المناسب
حاولي انتي تحسيه من دلوقتي
This comment has been removed by the author.
ReplyDeleteهدي عندها حق قضا اخف من قضا
ReplyDeleteيوم ما شفت كلمة سنجل دي عند يا هبة انا اعدت 3 ايام مصدومة ومش فهمه هو دا ممكن يحصل
كنت عيشه معاكي حالتك اوي كنت عارفه ان خلاص العلاقة بينكو بئت عميقة ازاي وخلاص بتفكري فحياتك الجايه فبجد كانت صدمة كبيرة اوي واول حاجه سالتك عليها ايه اللي يخليكي تخدي القرار دا منتي كنتي عرفه عيوبه ومستحملة
انا عرفه انك كنتي حباه علي كدا وكنت بحسب ان كل الحجات الحلوة اللي جواكي دي ومشاعرك الجميلة ممكن تحنن قلبه وتخيله انسان احلي
بس ادام دا محصلش يبئي هو لوحده الخسران خسران اوي
انتي لسه محتفظة بهبة ومشاعرها للي يستهلها
الحكاية كلها جرح فاوله صعب بس بعد فترة بيلم ويخف وزي ما بتؤلي كلها كام يوم شهر اتنين بالكتير وهترجعي تبصي للكلام دا وتدحكي عليه
حسه بيكي يا حببتي وكان نفسي تبئي معانا هنا
بس ديما بدعيلك يا هبة
ومتتخيليش اد ايه الموضوع دا اصلا هز ثقتي بالناس حتي هز ثقتي بضياء وابتديت احس انو فلحظة ممكن يطلع دا يحصل لانه فالاخر راجل زي بئيت الرجالة والدنيا اسودت
يمكن دا حصلي عشان انا كنت حسه اوي اد ايه انتي مستحملاه ومستحملة فيه صفات صعبة وحجات انتي عرفه انو مينفعش حتي كل الناس كانو بيؤلولك سيبيه
وعملتي عشانه حجات كتير وبعد دا كله يحصل كدا
فبجد الكلمة الوحيدة اللي تتقال هو الخسران وهو اللي ميستهلش والمفروض ياخد وحده من عينته
وانتي ربنا هيرزقك باللي يستهلك ويستاهل وحده زي هبة بمشاعرها دي
انتي ما شاء الله عليكي جميلة ومن عيلة وكمان انسانة بجد مشاعرك واللي عملتيه معاه كبير اوي وكتير عليه
واكيد ربنا مش هيضيعك وهيرزئك باللي بجد يستهال تعملي معاه كدا وهو يعملك احسن
بس اهم حاجه بعد ما الجرح يلم عيزاكي ونفسي اوي ترجعي زي مانت متخليش اللي حصل يهز ثقتك باي حد بعد ربنا كاتبله انك تعيشي معاه يعني متخفيش تظهري حبك
انتي مغلطتيش , احنا بنتعامل باصلنا مش باصل الناس اللي بنعاملهم
عيزاكي تحطي دي ادامك عشان هبه اللي اعرفها متتاثرش
مروة
This comment has been removed by the author.
ReplyDeleteهبه : يارب بجد
ReplyDeleteنفسي والله
وعندي امل في الاحسن.. ادعيلي من قلبك الحلو ده
بإني انسىىىىىىىىىىى
هدى: الموضوع اللي حكيتيه وجعني اوي بجد
ليه الناس بقت كده ... ليه مبقاش فيه رجالة
بقيت حاسة بالقرف والله العظيم
وفعلا ربنا بيحبني عشان الموضوع وصل لحد كده
بس محتاجة وقت استوعب بس بجد
إذا كرهت امرأة رجلا حد الموت فاعلموا أنها كانت تحبه حد الموت
ReplyDelete..
ستكرهينه يوما
ثم تنسيه تماما كأن لم يكن
..
معنديش أي إثبات ع اللي حيحصل بس شيفاه وانتي حتشوفيه ساعتها
..
ساعتها بقى مش حتكوني محتاجة لندمه اللي بتفكري فيه دلوقتي
.. حيجيلك ويتمنى ترجعي بعدما تكوني انتي اصلا نسيتيه ومبقاش يفرق معاكي
..
الحب لسة مستنيكي
مش باقولك بكرة ولا بعده
بس إن شاء الله في الوقت الصح
وحسبي الله ونعم الوكيل فيك يا ياسر ياابن أم ياسر ..
متقلقيش
كما تدين تدان
مسيره يدوق ويستطعم الجرح
ويرجع يتمنى جزمتك
وتكوني انتي مستقرة مع راجلك الحقيقي وياسر ده مجرد صفحة واتقفلت بحلوها ومرها
..
وارجوكم كلكم
قلوبنا دي إزاز
بلاش نصدرها
خلونا نصدر عقلنا معاها
عشان يحافظ عليها
وربنا يرزقكو كلكو أزواج صالحين يارب
متديش مشاعرك أوي
إمشي بالظبط زي ما ربنا قال
..
هبة
متفكريش ف كلمة ليه
فيه مقولة لدكتور أحمد خالد توفيق بتقول
: أن تتوقع من الناس أن يعاملوك برفق لأنك إنسان طيب تشبه أن تتوقع من الأسد ألا يأكلك لأنك نباتي لا تأكل اللحوم"
..
لو تفتكري مشهد ف فلم الجزيرة كان محمود ياسين بيبرر السرقة وانها مش حرام وكده
مفيش شرير بيكون ضميره واجعه إلا من رحم ربي
الأشرار دايما بيكون لهم منطقهم
عمرهم ما بيفكروا زينا
..
ربنا يصلح حالك يارب
إيمان
بوتا :)
ReplyDeleteكنت مستياكى تفضفضى وكنت حاسه اوى انك مجروحه من جوه وعامله جدع
يقينا و من جوه عارفين ان هو ده الاحسن وده عمل ربنا وان قدر الله وما شاء فعل...زى ما قالت هدى
مر حد قالى ادعى العاء ده: يا رب متحركش بحد غير اللى مكتوبلى هتجوزه
مع شويه يقين وشويه احساس ..ان شاء الله يحصل
كل سنه وانتى طيبه يا بتبوت..كل سنه واحنا كلنا بخير
الاء
السلام عليكم
ReplyDeleteفينكم يا جماعه
فينكم
غايبن ليه
انا بدور عليكم
من ايام عمو نبيل
ومتنديات مجانين
فاكرين
ولا لآ
انا باحث
على العموم
يارب يفرج كروبنا جميعا
يارب
ويارب يعوضنا خير يارب
وسعيد انى عرفتكم والله
ياريت تزورونى فى مدونتى بنفس اسمى فى منتدى مجانين القديم
باحث
تحياتى